វគ្គសិក្សា ស្ដីពីការបង្រៀនពីចម្ងាយតាមប្រព័ន្ធអេឡិចត្រូនិក
សេចក្ដីផ្ដើម
ការបង្រៀនពីចម្ងាយតាមប្រព័ន្ធអេឡិចត្រូនិក គឺជាបំណិនថ្មី ដែលតម្រូវឱ្យអ្នកអប់រំទូទៅ នៅក្នុងបរិបទសេដ្ឋកិច្ច និងសង្គមឌីជីថលនាពេលបច្ចុប្បន្នត្រូវការជាចាំបាច់ ដើម្បីបំពេញបន្ថែមជាមួយនិងជំនាញវិជ្ជាដែលលោកគ្រូ អ្នកគ្រូមានដើម្បីលើកកម្ពស់គុណតម្លៃ គ្រូបង្រៀនសតវត្សទី២១។ វគ្គសិក្សាតាមប្រព័ន្ធអេឡិចត្រូនិក ស្ដីពី "ការបង្រៀនពីចម្ងាយតាមប្រព័ន្ធអេឡិចត្រូនិក" នេះនឹងផ្ដោតសំខាន់ទៅលើ ការប្រើប្រាស់ Google Workspace for Education ដែលរួមមាន ការប្រើប្រាស់អ៊ីមែលផ្លូវការរបស់ក្រសួងអប់រំ យុវជន និងកីឡា ការប្រើប្រាស់ Google Classroom និងការប្រើប្រាស់ Google App សម្រាប់ការអប់រំមួយចំនួនទៀត ដែលជួយឱ្យលោកគ្រូ អ្នកគ្រូមានលទ្ធភាពយកទៅបង្រៀនសិស្សក្រោយពីចប់វគ្គសិក្សានេះ។
គោលបំណង
វគ្គបណ្ដុះបណ្ដាលជំនាញពីការរៀន និងបង្រៀនតាមប្រព័ន្ធអេឡិចត្រូនិក បង្កើតឡើងក្នុងគោលបំណងពង្រឹងសមត្ថភាពគណៈគ្រប់គ្រង លោកគ្រូ អ្នកគ្រូ នូវជំនាញ៖
• ប្រើប្រាស់ Google Classroom សម្រាប់បង្កើត គ្រប់គ្រងថ្នាក់រៀន បង្រៀន និងរៀនពីចម្ងាយតាមប្រព័ន្ធអេឡិចត្រូនិក។
• ប្រើប្រាស់ Google Workspace for Education សម្រាប់ចែករំលែកឯកសារបង្រៀន ធ្វើសំណួរស្ទង់សមត្ថភាពសិស្ស និងការស្រង់អវត្តមានសិស្ស។
• ការរៀបចំវីដេអូបង្រៀនផ្ទាល់រវាងគ្រូ និងសិស្ស តាមរយៈ Video conference ដោយប្រើប្រាស់ Google Meet ។
• របៀបផលិតវីដេអូបង្រៀនពីចម្ងាយ និងតាមប្រព័ន្ធអេឡិចត្រូនិក។
•
បច្ចេកទេសប្រើប្រាស់សម្ភារៈ
ICT ដែលមានស្រាប់នៅតាមសាលារៀននីមួយៗ
លទ្ធផលរំពឹងទុក
• គណៈគ្រប់គ្រងសាលារៀនមានលទ្ធភាពគ្រប់គ្រងថ្នាក់រៀនពីចម្ងាយទាំងអស់ និងទទួលបាននូវព័ត៌មានគ្រប់ជ្រុងជ្រោយអំពីដំណើរការនៃការបង្រៀនតាមថ្នាក់នីមួយតាមប្រព័ន្ធអេឡិចត្រូនិក
• គ្រូបង្រៀនមានសមត្ថភាពប្រើប្រាស់កម្មវិធីបង្រៀនពីចម្ងាយ តាមប្រព័ន្ធអេឡិចត្រូនិក ដែលជាស្តង់ដាអន្តរជាតិ
• គ្រូបង្រៀនមានសមត្ថភាពផលិតមេរៀនបង្រៀនជាឌីជីថល សម្រាប់ការបង្រៀនរបស់ខ្លួន
• ធ្វើឱ្យការបង្រៀនសិស្សមានភាពងាយស្រួល និងលទ្ធផលអាចទទួលយកបាន
• សិស្សងាយស្រួលរៀនជាមួយគ្រូ និងមានប្រាស្រ័យទាក់ទងល្អជាប្រចាំរវាងគ្រូ និងសិស្ស
វគ្គបណ្តុះបណ្តាលនេះសម្រាប់
គ្រូបង្រៀនគ្រប់កម្រិតភូមិសិក្សា គណៈគ្រប់គ្រងសាលារៀន
និងអ្នកអប់រំទូទៅដែលមានចំណេះដឹងមូលដ្ឋានផ្នែកបច្ចេកវិទ្យាព័ត៌មាន
ទៅលើភាសាអង់គ្លេស ដែលមានបំណងចង់អភិវឌ្ឍបន្ថែមនូវជំនាញ
ការបង្រៀនពីចម្ងាយតាមប្រព័ន្ធអេឡិចត្រូនិក។
មាតិកាមេរៀន
• មេរៀនទី១៖ ការប្រើប្រាស់អ៊ីមែលផ្លូវការរបស់ក្រសួងអប់រំ យុវជន និងកីឡា
• មេរៀនទី២៖ ការប្រើប្រាស់កម្មវិធី Google Drive
• មេរៀនទី៣៖ ការប្រើប្រាស់កម្មវិធី Google Docs
• មេរៀនទី៤៖ ការប្រើប្រាស់កម្មវិធី Google Sheets
• មេរៀនទី៥៖ ការប្រើប្រាស់កម្មវិធី Google Slides
• មេរៀនទី៦៖ ការប្រើប្រាស់កម្មវិធី Google Forms
• មេរៀនទី៧៖ ការប្រើប្រាស់កម្មវិធី Google Meet
• មេរៀនទី៨៖ ការប្រើប្រាស់កម្មវិធី Google Classroom
• មេរៀនទី៩៖ បច្ចេកទេសងាយៗក្នុងការផលិតវីដេអូបង្រៀន
វិធីសាស្ត្រក្នុងការបណ្ដុះបណ្ដាល
• សិក្ខាកាមត្រូវចូលរួមវគ្គបណ្ដុះបណ្ដាលនៅពេលព្រឹកតាមរយៈ Video Conference ចាប់ពីម៉ោង ៧:០០-១១:៣០ ចំនួនបីថ្ងៃជាប់ៗគ្នា តាមកាលបរិច្ឆេទដែលបានកំណត់។
• ពេលរសៀល សិក្ខាកាមអនុវត្តមេរៀន និងរៀន វគ្គសិក្សា ការបង្រៀនពីចម្ងាយតាមប្រព័ន្ធអេឡិចត្រូនិក តាមរយៈអនុគេហទំព័រ elearning.moeys.gov.kh ឬតាមតំណភ្ជាប់ដែលក្រុមការងារបានជូន។
• សិក្ខាកាមត្រូវធ្វើកិច្ចការផ្ទះ និងសំណួរតេស្តសមត្ថភាពដើម្បីបញ្ចប់វគ្គបណ្ដុះបណ្ដាលដោយជោគជ័យ
វិញ្ញាបនបត្រ
សិក្ខាកាមដែលបានចាត់តាំងឱ្យចូលរួមវគ្គបណ្ដុះបណ្ដាលជាមួយនាយកដ្ឋានបច្ចេកវិទ្យាព័ត៌មាន នឹងបានចូលរួមវគ្គបណ្ដុះបណ្ដាលយ៉ាងទៀងទាត់ បានធ្វើកិច្ចការផ្ទះ និងសំណួរតេស្តវាយតម្លៃ យ៉ាងហោចណាស់ជាប់មធ្យមភាគ ៥០% ឡើង ទើបទទួលបានវិញ្ញាបនបត្របញ្ជាក់ការសិក្សាដែលចេញដោយនាយកដ្ឋានបច្ចេកវិទ្យាព័ត៌មាន នៃក្រសួងអប់រំ យុវជន និងកីឡា។
